კიევსა და უკრაინის რეგიონებზე დრონებით შეტევა იყო

დღეს დილით, უკრაინაზე რუსეთის მორიგი შეტევისას უპილოტო საფრენი აპარატების ნამსხვრევები ჩამოცვივდა კიევის ერთ-ერთი სკოლის ტერიტორიაზე. ამის შესახებ საქალაქო-სამხედრო ადმინისტრაციის ხელმძღვანელი ტიმურ ტკაჩენკო იუწყება. მისი ინფორმაციით, საჰაერო განგაშის დროს სკოლის მოსწავლეები თავშესაფარში იმყოფებოდნენ.

რუსული დრონებით შეტევამ ხანძარი გამოიწვია დნეპროპეტროვსკის ოლქის ორ საწარმოში. ინფორმაცია მსხვერპლის შესახებ არ გავრცელებულა.

უკრაინის საჰაერო ძალების სარდლობის მიერ დღეს, 18 მარტს გამოქვეყნებული მონაცემებით, გასული ღამის განმავლობაში და დილით რუსეთმა გამოიყენა სხვადასხვა ტიპის 137 დრონი.

სარდლობის თანახმად, საჰაერო და თავდაცვის ძალების ქვედანაყოფებმა 63 ე.წ. დამრტყმელი უპილოტო საფრენი აპარატი ჩამოაგდეს ხარკოვის, კიევის, პოლტავის, სუმის, კიროვოგრადის, ჩერნიგოვის, ჩერკასის, დნეპროპეტროვსკის, ზაპოროჟიეს, ვინიცის, ნიკოლაევის და ხერსონის ოლქებში, ხოლო 64 „უპილოტო-იმიტატორი ლოკალურად დაიკარგა ნეგატიური შედეგების გარეშე“.