შსს განმარტავს, რატომ გაუგზავნეს ხალხს არარსებული ავტო ჯარიმები

შსს განმარტავს, რატომ გაუგზავნეს ხალხს არარსებული ავტო ჯარიმები:

,,შინაგან საქმეთა სამინისტროს ოფიციალურ ვებგვერდ – police.ge-ზე ადმინისტრაციულ სამართალდარღვევათა კოდექსის 174 პრიმა მუხლით გათვალისწინებული („შეკრებებისა და მანიფესტაციების შესახებ“ საქართველოს კანონის დარღვევა) ჯარიმების გამოქვეყნება დაიწყო.

შინაგან საქმეთა სამინისტროს ოფიციალურ ვებგვერდზე საჯარიმო ქვითრები გამოქვეყნდა ავტომატურად, ვიდეოჯარიმის პრინციპით, რის გამოც მოქალაქეებს მიუვიდათ მოკლეტექსტური შეტყობინება, რომელშიც წერია, რომ საჯარიმო ქვითარი შედგენილია სატრანსპორტო საშუალებაზე.

ტექნიკური ხარვეზის აღმოსაფხვრელად შესაბამისი სამსახური მუშაობს”

“შსს ვიდეოჯარიმების შეტყობინების შაბლონებს იყენებს და ჯარიმა რეალურად მანქანის გამო არაა მოსული” – ახალი ტაქტიკა აქციების მონაწილეების წინააღმდეგ