radiotavisupleba ახალი ამბები 
რუსეთმა და უკრაინამ სამხედრო ტყვეების გაცვლა განახორციელეს ფორმულით „103 103-ზე“, განაცხადა რუსეთის ფედერაციის თავდაცვის სამინისტრომ.
რუსი სამხედრო მოსამსახურეები ამჟამად ბელარუსის ტერიტორიაზე იმყოფებიან. უწყების მონაცემებით, მათთან მუშაობს რუსეთის ომბუდსმენი იანა ლანტრატოვა. შუამავლის როლი შეასრულა არაბთა გაერთიანებულმა საამიროებმა.
უკრაინის პრეზიდენტმა ვოლოდიმირ ზელენსკიმ გაცვლის ფაქტი დაადასტურა. „ესენი არიან დამცველები შეიარაღებული ძალებიდან, სახელმწიფო სასაზღვრო სამსახურიდან და ეროვნული გვარდიიდან. გათავისუფლებულთა შორის არიან მეომრები, რომლებიც უკრაინას იცავდნენ მარიუპოლში, დონეცკის, ლუგანსკის, ხარკოვის, ზაპოროჟიეს, ხერსონის, დნეპრისა და სუმის მიმართულებებზე“, დაწერა მან.
ივნისის ბოლოს უკრაინამ და რუსეთმა სამხედრო ტყვეები გაცვალეს ფორმატით „160 160-ზე“, ხოლო სამოქალაქო ტყვეები - „7 7-ზე“.
