radiotavisupleba ახალი ამბები 
კრემლმა 20 აგვისტოს განაცხადა, რომ ჯერჯერობით არ აქვს ინფორმაცია მოსკოვში აშშ-ის პრეზიდენტის წარმომადგენლების, ჯარედ კუშნერისა და სტივ უიტკოფის შესაძლო ვიზიტის შესახებ, იტყობინება Reuters-ის სააგენტო.
რუსეთსა და შეერთებულ შტატებს შორის მოლაპარაკებები უკრაინის კონფლიქტის დასასრულებლად დიდწილად შეჩერებულია ირანში მიმდინარე ომის ფონზე, რომლის დასრულებაზეც უიტკოფი და კუშნერიც მუშაობენ.
ცალკე კრემლის პრესმდივანმა, დმიტრი პესკოვმა აღნიშნა, რომ ჯერჯერობით არ არის დაგეგმილი შეხვედრა პრეზიდენტ ვლადიმირ პუტინსა და ვატიკანის ელჩს, პოლ რიჩარდ გალაგერს შორის, რომელიც მომავალ კვირას ეწვევა მოსკოვს.
თუმცა პესკოვმა დასძინა, რომ რუსეთი მაღალ შეფასებას აძლევს იმ ქვეყნების ძალისხმევას, რომლებიც უკრაინის კონფლიქტის დასასრულებლად გზების მოძიებაზე მუშაობენ.
