"თუ რეალ მადრიდს მოუგებთ.." - ზარიას გუნდს ყაზახი ბიზნესმენი საჩუქარს ჰპირდება

ყაზახმა ბიზნესმენმა თურსენგალი ალაგუზოვმა სოციალური ქსელის პლატფორმაზე ვიდეომიმართვა გაავრცელა, სადაც ხაზი გაუსვა, რომ თუ ჩემპიონთა ლიგაზე მისი საყვარელი გუნდი, ალმაათის "კაირატი", მადრიდის "რეალს" დაამარცხებს, თითოეულ ფეხბურთელს ავტომანქანით დაასაჩუქრებს.

ალაგუზოვმა აღნიშნა: „როგორც ჩემი ქვეყნის პატრიოტი, ჩემი დაბადების დღის წინ გპირდებით – თუ გუნდი გაიმარჯვებს, ყველა მოთამაშეს მანქანას ვაჩუქებ. ალმაათი არის მსოფლიო დედაქალაქი, ხოლო ‘კაირატი’ – ჩემპიონი!“

Forbes-ის მონაცემებით, ალაგუზოვი ყაზახეთის ყველაზე შეძლებულ ადამიანებს შორის 61-ე ადგილზეა, მისი ქონება კი 130 მილიონ დოლარს აღემატება.

შეგახსენებთ, რომ "კაირატის" რიგებში ქართველი ფეხბურთელი გიორგი ზარია თამაშობს. მატჩი "კაირატის" და მადრიდის "რეალის" შორის 30 სექტემბერს, თბილისის დროით 20:45 საათზე გაიმართება.