ვეფხია კასრაძემ პატრიარქს მიმართა

„ჩემო პატრიარქო, ძალიან დიდი თხოვნა მაქვს, გამოგზავნეთ თქვენი წარმომადგენელი, რათა პროცესებს დაესწროს. მინდა საზოგადოებას მივმართო, ხმა აღიმაღლონ, ჩვენშია პრობლემა. ეს სასამართლო ბოროტების ბუდედ არ უნდა ვაქციოთ. ესენი თუ ქრისტიანები არიან, აღდგომას ხომ შეიძლება გავეშვით?! როცა მართალი ვარ, რატომ უნდა დავიმალო?! ეს ჩემთვის ყოვლად მიუღებელია. რა აუცილებლობა არსებობს, რომ საპატიმროში ვიყო და სახლში არ ვიყო?! რაღაც ადამიანურიც ხომ არსებობს ხალხნო?!“ - თქვა სხდომაზე ვეფხია კასრაძემ.

დღეს, 2 მაისს, თბილისის საქალაქო სასამართლოს მოსამართლე თამარ მჭედლიშვილმა პროევროპულ აქციებზე ჯგუფური ძალადობის საქმეზე დაკავებული რვა პირი პატიმრობაში დატოვა. საქმეზე ბრალდებულები არიან: ირაკლი მიმინოშვილი, ვეფხია კასრაძე, ვალერი კაძელაშვილი, ინსაფ ალიევი, თორნიკე გოშაძი, ნიკოლოზ ჯავახიშვილი, გიორგი გორგაძე და ზვიად ცეცხლაძე.

ყველა მათგანს ბრალი სისხლის სამართლის კოდექსის 225-ე, ჯგუფური ძალადობის მუხლით აქვს წაყენებული. მათ ექვსიდან ცხრა წლამდე პატიმრობა ემუქრებათ.