🎥 ძმებმა ჭოხონელიძეებმა და ზუკა ხუციშვილმა პროტესტის ფონზე იმღერეს – რა მოხდა კონცერტზე?

თბილისის სახელმწიფო უნივერსიტეტის მეორე კორპუსის ეზოში ძმებ ჭოხონელიძეების და ზუკა ხუციშვილის კონცერტი პროტესტის ფონზე წარიმართა.

მომღერლებს ადგილზე შეკრებილთა ნაწილი სთხოვდა, რომ მათე დევიძისათვის 4 წლის და 6 თვის ვადით თავისუფლების აღკვეთაზე კომენტარი გაეკეთებინათ, თუმცა მათ დამსწრე საზოგადოების თხოვნა არ გაითვალისწინეს.

“ჩემი მეგობარი დაიჭირეს, ოთხ წელიწად-ნახევრით ჩასვეს. გთხოვთ, ერთი სიტყვა თქვით” – მიმართავდა სინდისის პატიმრის მხარდამჭერი ძმებ ჭოხონელიძეებს.

ფაქტმა, რომ მომღერლებმა მოქალაქეების თხოვნა დააიგნორეს და ღონისძიება ჩვეულ რეჟიმში განაგრძეს, შეკრებილთა ნაწილში გაღიზიანება გამოიწვია. “სირცხვილია” – სკანდირებდნენ თსუ-ს მეორე ეზოში მყოფი ადამიანები.