4 hours ago
1
მუხიკა, - რომელიც ცხოვრების მოკრძალებული წესით იყო ცნობილი და პრეზიდენტობის ვადის დასრულებიდან 5 წელიწადში პოლიტიკა დატოვა, - ბოლო წლებში სიმსივნეს ებრძოდა.
„ღრმა მწუხარებით ვიუწყებით, რომ ჩვენი ამხანაგი, პეპე მუხიკა, - პრეზიდენტი, აქტივისტი, წინამძღოლი და ლიდერი გარდაიცვალა. ძალიან მოგვენატრები, ძველო მეგობარი“, - დაწერა დღეს საღამოს, 13 მაისს ქვეყნის მოქმედმა პრეზიდენტმა იამანდუ ოსრიმ X-ზე.
იგი 2010-15 წლებში იყო ურუგვაის პრეზიდენტი.
მისი ხუთწლიანი პრეზიდენტობის მთავარ მიღწევად მიიჩნევა: სიღარიბის დონის დაწევა (18.5 პროცენტიდან 9.7-მდე), ქვეყნის ისტორიაში უმუშევრობის ყველაზე დაბალი მაჩვენებელი (6.3%), აბორტებისა და ერთი და იმავესქესიანი ადამიანების ქორწინების ლეგალიზაცია; ასევე, მარიხუანის მოყვანისა და გამოყენების ლეგალიზაცია, როგორც სამედიცინო, ასევე რეკრეაციული მიზნებისთვის. ურუგვაის პრეზიდენტმა წამოაყენა ინიციატივა შექმნილიყო სოციალური გეგმა „ერთად“.
ის აკრიტიკებდა რუსეთის პრეზიდენტ ვლადიმერ პუტინს უკრაინაში შეჭრის გამო.
„პუტინის მმართველობა ერთ-ერთი ყველაზე კორუმპირებულია მსოფლიოში, - ამბობდა ის CNN-თან 2022 წელს, - პუტინს საზიზღარი მიზნები აქვს, ეს სხვა არაფერია, თუ არა იმპერიული თავდასხმა ნაციაზე [უკრაინელები], რომელთანაც [რუსეთს] არცთუ მარტივი ისტორიული წარსული აკავშირებს“.
ვრცლად მის შესახებ იხილეთ:
English (US) · 
Georgian (GE) ·