ტრამპი საქართველოს 10 პროცენტიან საბაზისო ტარიფს უწესებს

აშშ-ის პრეზიდენტმა დონალდ ტრამპმა 2 აპრილს თავისი ადმინისტრაციის ახალი სატარიფო პოლიტიკა წარადგინა, რომლის მიხედვითაც საქართველოს 10%-იანი საბაზისო ტარიფი დაუწესდა. თეთრი სახლის ინფორმაციით, საქართველოსაც ამერიკულ პროდუქციაზე 10%-იანი ტარიფი აქვს დაწესებული.

როგორც მოსალოდნელია, ტარიფები გავლენას მოახდენს საქართველოს ძირითადი საექსპორტო პროდუქციის ფასებზე აშშ-ში, მათ შორის ფეროშენადნობებსა და მანგანუმზე.

2025 წლის იანვარ-თებერვალში აშშ 478.3 მილიონი დოლარით საქართველოს მთავარ სავაჭრო პარტნიორად რჩებოდა იმპორტის კუთხით. თუმცა, საქართველოს ექსპორტმა შეერთებულ შტატებში მხოლოდ 8.6 მილიონი აშშ დოლარი შეადგინა, რაც იმავე პერიოდის მთლიანი ექსპორტის მხოლოდ 1%-ია.

არსებობს შეშფოთება, რომ აშშ-ის ახალ სატარიფო პოლიტიკას  გლობალური ეკონომიკის შენელება მოყვება. „ის, რასაც ჩვენ დღეს ვხედავთ, გადამწყვეტ მომენტს წარმოადგენს ამერიკის სავაჭრო პოლიტიკაში, რაც სერიოზულ რისკებს უქმნის გლობალურ ეკონომიკას“, – განაცხადა საერთაშორისო სავაჭრო პალატის გენერალურმა მდივანმა ჯონ დენტონმა.

„ჩვენ განსაკუთრებით გვაშფოთებს განვითარებადი ეკონომიკის მქონე ქვეყნებზე მკაცრი ტარიფების პოტენციური ზემოქმედება – მიდგომა, რომელიც საფრთხეს უქმნის იმ ქვეყნების განვითარების პერსპექტივებს, რომლებიც უკვე დგანან ვაჭრობის გაუარესებული პირობების წინაშე“, – დასძინა მან.

ასევე წაიკითხეთ:

• 02/04/2025 – აშშ-ის სახელმწიფო დეპარტამენტი „ქართულ ოცნებას“: დემოკრატიული მანდატის მოპოვება ვერ მოხდება მოწინააღმდეგეების ცენზურით ან ციხეში ჩასმით
• 02/04/2025 – აშშ-ის ჰელსინკის კომისია ანაკლიის პორტის ჩინური კონგლომერატისთვის გადაცემის გამო შეშფოთებას გამოხატავს

This post is also available in: English (ინგლისური)