ტორესის დუბლი და ოლმო - ბარსელონამ ხეტაფე დამაჯერებლად დაამარცხა

კატალონიელებმა ლა ლიგის მეხუთე ტურში დამაჯერებელი 3:0 გამარჯვებით „ხეტაფე" დაამარცხეს.

ამ შეხვედრაში საუკეთესო იყო ფერან ტორესი, რომელმაც ორი გოლით შესანიშნავი თამაში ჩაატარა. ესპანელი თავდამსხმელის გარდა, კატალონიელთა მესამე გოლი დანი ოლმომ გაიტანა.

ამ გამარჯვების შედეგად ჰანსი ფლიკის გუნდი 13 ქულით მეორე ადგილზეა, თუმცა ლიდერ მადრიდის რეალს კვლავ ჩამორჩება. „ლოს ბლანკოსმა" პირველი ხუთი ტურიდან ყველაფერი მოიგო და სრულყოფილი ბილანსი ინარჩუნებს.მომავალში „ბარსელონას" შედარებით მარტივი მატჩები ელოდება.

„რეალ ოვიედოსთან" და „რეალ სისიედადთან" შეხვედრები საშუალებას მისცემს გუნდს, კარგი ფორმა შეინარჩუნოს და ევროპული ტურნირისთვის მოემზადოს.განსაკუთრებული ყურადღება ჩემპიონთა ლიგის მატჩზე იქნება მიპყრობილი, სადაც "პარი სენ-ჟერმენთან" შეხვედრა ელოდებათ. ეს თამაში შეიძლება მთელი სეზონის მნიშვნელოვან გამოცდად ჩაითვალოს.