სიჩუმე დაარღვია - რას ამბობს პსჟს რუსი მეკარე უთამაშებლობაზე

პსჟ-ს რუსმა მეკარემ მატვეი საფონოვმა სოციალურ ქსელში გულწრფელად ისაუბრა იმაზე, როგორ ეგუება სათადარიგო სტატუსს.

„მართალი გითხრათ, ეს ძალიან რთულია. ბოლო მომენტამდე არ ვიცით, ვინ იქნება სასტარტოში, ამიტომ თითოეულ მატჩზე ფიზიკურადაც და მორალურადაც მაქსიმალურად ვემზადები,“ – აღნიშნა საფონოვმა.

მისივე თქმით, იმედგაცრუება ამ სიტუაციაში მარტივია, თუმცა მთავარი გამოწვევა მოტივაციის შენარჩუნებაა:

„ყოველ ჯერზე ვცდილობ ძალები და მოტივაცია არ დავკარგო. ახლა ჩემთვის მთავარი სათამაშო დროის მოპოვებაა და ყველაფერს ვაკეთებ, რომ ეს დავიმსახურო.“