საქართველოს 18-წლამდელთა ნაკრებმა თურქეთთან კიდევ ერთი ამხანაგური მატჩი გამართა

თურქეთში შეკრებაზე მყოფმა საქართველოს ახალგაზრდულმა (U18) ნაკრებმა, თურქ თანატოლთა ნაკრებთან კიდევ ერთი მატჩი გამართა და მინიმალური ანგარიშით 33:34 დამარცხდა.

ქართველი ჭაბუკები 2026 წლის აგვისტოში გასამართი ევროპის ჩემპიონატისთვის ემზადებიან და მოსამზადებელი ეტაპის ფარგლებში თურქეთის ნაკრებთან სამი ამხანაგური მატჩი ჩაატარეს – წინა შეხვედრებიც მასპინძელთა გამარჯვებით დასრულდა – 34:33 და 35:29.

თურქეთთან გამართულ მესამე შეხვედრაში საქართველოს ნაკრებიდან ყველაზე მეტი, 8 გოლი, ვახტანგ ხარებაშვილმა გაიტანა, 5-5 ბურთი ნიკოლოზ მამაულაშვილისა და საბა ბუიღლიშვილის ანგარიშზეა.