სასამართლომ მიხეილ სააკაშვილს „პიჯაკების საქმეზე“ 9 მილიონი ლარის გადახდა დააკისრა

თბილისის საქალაქო სასამართლომ ყოფილ პრეზიდენტ მიხეილ სააკაშვილს 9 მილიონი ლარის გადახდა დააკისრა იმ თანხების ამოსაღებად, რომლის გაფლანგვაშიც იგი დამნაშავედ ცნეს ე.წ. „პიჯაკების საქმეზე“, რისთვისაც ის ცხრა წლიან პატიმრობას იხდის.

სააკაშვილის ადვოკატმა ბექა ბასილაიამ ტელეკომპანია „ფორმულას“ განუცხადა, რომ სასამართლო მთლიანად ემორჩილება ბიძინა ივანიშვილის მითითებებს და სააკაშვილს პოლიტპატიმარი უწოდა.

სასამართლომ თეიმურაზ ჯანაშიას, სააკაშვილის ხელისუფლების დროს სახელმწიფო დაცვის სპეციალური სამსახურის ყოფილ უფროსს, გავრცელებული ინფორმაციით, 300,000 ლარის გადახდა დააკისრა.

სააპელაციო სასამართლომ დღეს ასევე გამოიტანა გადაწყვეტილება საქალაქო სასამართლოს მიერ გამოტანილ თავდაპირველ განაჩენთან დაკავშირებით, რომლითაც პატიმრობა ძალაში დატოვა.

This post is also available in: English