სამოქალაქო საზოგადოების ექვსი ორგანიზაცია აცხადებს, რომ მათ ქართული FARA-ს ფარგლებში ამოწმებენ

სამოქალაქო საზოგადოების ექვსმა ორგანიზაციამ განაცხადა, რომ აშშ-ის უცხოელი აგენტების რეგისტრაციის შესახებ კანონის (FARA) ქართული ვერსიის შესაბამისად, ანტიკორუფციული ბიუროდან შემოწმების შესახებ წერილები მიიღეს.

„11 აგვისტოს ექვსმა ორგანიზაციამ მივიღეთ ანტიკორუფციული ბიუროს მორიგი წერილი, რომლითაც ე.წ. „უცხოური აგენტების რეგისტრაციის შესახებ“ კანონის დარღვევას გვედავებიან, ასევე, გვემუქრებიან სისხლისსამართლებრივი პასუხისმგებლობით და გვთხოვენ განმარტებებს, თუ რატომ არ დავრეგისტრირდით აგენტებად“, – აღნიშნეს ორგანიზაციებმა 15 აგვისტოს გავრცელებულ ერთობლივ განცხადებაში.

ეს ორგანიზაციები არიან: სამოქალაქო საზოგადოების ფონდი (ყოფილი ფონდი „ღია საზოგადოება – საქართველო“, „საფარი“, „საერთაშორისო გამჭვირვალობა – საქართველო“, მედიის განვითარების ფონდი, სამართლიანი არჩევნებისა და დემოკრატიის საერთაშორისო საზოგადოება (ISFED) და სოციალური სამართლიანობის ცენტრი.

This post is also available in: English