რუსეთის ძალებმა სლავიანსკსა და კიევის რეგიონს შეუტიეს. არიან დაშავებულები

24 ივლისის შუადღისას, რუსეთის ძალებმა კიევის რეგიონს შეუტიეს ბალისტიკური რაკეტებით. კიევში რამდენიმე აფეთქება გაისმა.

თავდაპირველად, ხელისუფლებამ არ გაავრცელა ინფორმაცია დაშავებულების ან სამიზნეების შესახებ. შემდგომში სოციალურ მედიაში გავრცელდა ცნობა, რომ დარტყმების სამიზნე იარაღის გამოფენა იყო.

First Contact-ის დამფუძნებელმა ვალერი ბოროვიკმა განაცხადა, რომ დარტყმა „კონკრეტული ღონისძიების“ წინააღმდეგ იყო მიმართული და თქვა, რომ არიანი დაღუპულები.

უკრაინის იარაღის მწარმოებელთა საბჭომ განაცხადა, რომ დარტყმა თავდაცვის ინდუსტრიის წარმომადგენლების განთავსებულ ობიექტზე მოხდა. მათ თქვეს, რომ ღონისძიების ადგილმდებარეობა საჯაროდ არ გახმაურებულა.

რამდენიმე ცნობით, დარტყმა იმ საწვრთნელ ბაზაზე მოხდა, სადაც უპილოტო საფრენი სისტემების „არმადას“ გამოფენა იმართებოდა. ეს ოფიციალურად არ დადასტურებულა.

უკრაინის პრეზიდენტის მრჩეველმა სერგეი ბესკრესტნოვმა, დეტალების გარეშე დაწერა, რომ არც ის და არც მისი გუნდი არ დაშავებულან.

უკრაინის პრეზიდენტმა ვოლოდიმირ ზელენსკიმ მოგვიანებით გამოაცხადა, რომ დარტყმა კიევის რეგიონზე მოხდა, ექვსი ადამიანი დაიღუპა და ათობით დაშავდა. „ამ გარემოებებისა და ადამიანების მდგომარეობაზე გამოძიება გრძელდება“, - წერს ზელენსკი. მან ასევე ახსენა სლავიანსკზე პარასკევს დილით განხორციელებული საჰაერო დარტყმა.

დონეცკის რეგიონული პროკურატურის და დონეცკის სპეციალური ოპერაციების სარდლობის უფროსის, ვადიმ ფილაშკინის ცნობით, დონეცკის რეგიონში, სლავიანსკზე განხორციელებული დარტყმის შედეგად, სულ მცირე, ხუთი ადამიანი დაიღუპა და დაახლოებით 10 დაშავდა. ასევე დაზიანდა კერძო სახლები და ლატვიის საპატიო საკონსულოს შენობა.

რუსეთის თავდაცვის სამინისტრომ ამ დარტყმებზე კომენტარი ჯერ არ გააკეთა. მანამდე, სამხედრო დეპარტამენტმა განაცხადა, რომ 24 ივლისის ღამეს დარტყმები განხორციელდა ოდესის, იზმაილისა და ნიკოლაევის პორტებზე. ამ უკანასკნელში, სავარაუდოდ, „მშრალი ტვირთის გემი“, რომელიც სამხედრო ტვირთი აწვდიდა“, დაბომბეს.