4 days ago
2
აქციას შეუერთდა დღესვე გათავისუფლებული დემონსტრანტი, ექიმი გიორგი ახობაძე, რომელსაც 8-დან 20 წლამდე პატიმრობა ემუქრებოდა „ნარკოდანაშაულის“ ბრალდებით, რაშიც გაამართლეს.
აქციის მონაწილეები თავდაპირველად ფილარმონიასთან შეიკრიბნენ და შეძახილებითა და საპროტესტო სლოგანებით პარლამენტთან წავიდნენ.
აქციაში მონაწილეობა მიიღეს მზია ამაღლობელის მეგობრებმა, კოლეგებმა, ტელეწამყვანებმა, მედიის წარმომადგენლებმა, ჟურნალისტების უფლებებზე მომუშავე ორგანიზაციების თანამშრომლებმა და სხვა მოქალაქეებმა, - რომელთა უმეტესობაც თვეებია, აქციებში მონაწილეობს.
როდესაც 21:20 საათისათვის რუსთაველის გამზირზე შეკრებილ დემონსტრანტებს გიორგი ახობაძე შეუერთდა, ჟურნალისტებმა ჰკითხეს სხვა დემონსტრანტებზე, რომლებიც პატიმრობაში რჩებიან:
„მხნეობა არცერთს არ აკლია. ზუსტად იციან, რომ ბრძოლა ბოლომდე იქნება. აქ ვინც ვდგავართ, არასოდეს გავჩერდებით და ვეცდებით, საზოგადოება იმ ტალღაზე დავაბრუნოთ, როგორიც ნოემბერში იყო“, - განუცხადა ახობაძემ ჟურნალისტებს აქციაზე.
აქციები გრძელდება.
English (US) · 
Georgian (GE) ·