მიზეზი ცნობილია - რატომ გადაიდო პსჟს დღევანდელი შეხვედრა

საფრანგეთის ლიგა 1-ის მეხუთე ტურის მთავარი დაპირისპირება, რომელიც „მარსელსა“ და „პარი სენ-ჟერმენს“ შორის უნდა გამართულიყო, უამინდობის გამო გადაიდო.

ლიგის ოფიციალური განცხადების მიხედვით, მარსელში შეხვედრის დროს ძლიერი ქარი და ჭექა-ქუხილი იყო მოსალოდნელი, რის გამოც რეგიონული ხელისუფლების წარმომადგენელმა უსაფრთხოების მიზნით მატჩის გადადების გადაწყვეტილება მიიღო.

ამ დროისთვის ახალი თარიღი უცნობია – ლიგა უახლოეს დღეებში გამოაცხადებს, როდის გაიმართება ცენტრალური შეხვედრა.