"მიზანი ყველა ტურნირის მოგებაა" - ჩაბი ალონსო რეალის სათამაშო ფორმაზე

ლა ლიგის მე-6 ტურში „რეალმა“ სტუმრად „ლევანტე“ 4:1 დაამარცხა. შეხვედრის შემდეგ მთავარმა მწვრთნელმა ჩაბი ალონსომ აღნიშნა, რომ შედეგით კმაყოფილია, თუმცა გუნდი განვითარების პროცესშია და წინ გრძელი გზა აქვს გასავლელი.

„ჩვენ სწორ გზაზე ვართ, მაგრამ ეს მხოლოდ დასაწყისია. მიზანი ყველა ტურნირის მოგებაა და ამისთვის კონკურენცია გუნდში უმთავრეს როლს თამაშობს,“ – განაცხადა ალონსომ.

შეგახსენებთ, „რეალი“ ამ დროისთვის 18 ქულით სატურნირო ცხრილის ლიდერია და შემდეგ ტურში „ატლეტიკოს“ შეხვდება.