"მერაბის დამარცხების ერთადერთი გზა ეს არის" - ქართველის მწვრთნელი

UFC-ის სუპერმსუბუქი წონის ჩემპიონი მერაბ დვალიშვილი მალე ტიტულს კორი სენდჰეგენის წინააღმდეგ დაიცავს. ქართველი მებრძოლის ერთ-ერთმა მწვრთნელმა, რეი ლონგომ, მომავალ დაპირისპირებაზე ისაუბრა.

„ყოველთვის მომწონდა სენდჰეგენის სტილი და დამოკიდებულება. ის ძალიან ნიჭიერია და ბოლოსდაბოლოს პირველად ეძლევა შანსი ტიტულისთვის იბრძოლოს. ჩვენ წინ დიდი ამოცანა გველის, რადგან ასეთი დონის მებრძოლი აუცილებლად ღირსეულად უნდა შეფასდეს,“ – აღნიშნა ლონგომ.

მისი თქმით, მერაბის დასამარცხებლად ერთადერთი გზა არსებობს:

„თუ კორის სურს მერაბის დამარცხება, მას მოუწევს ჩქაროსნული მატარებლის შეჩერება. ეს მარტივი არ იქნება – რთული ბრძოლა ელოდება ორივეს, მაგრამ ყველაზე დიდი გამოწვევა სწორედ სენდჰეგენს ექნება.“