"მასთან თამაში ერთი დიდი სიამოვნებაა" - ოდეგორი ახალ თანაგუნდელზე

"არსენალის" კაპიტანი მარტინ ოდეგორი ახალწვეულ მარტინ სუბიმენდიზე აღფრთოვანებას ვერ მალავს. ნორვეგიელის განცხადებით, ესპანელ ნახევარმცველთან ერთად თამაში უკვე აღტაცებას იწვევს მასში.

"მარტინ სუბიმენდი პრესეზონზე ძალიან შთამბეჭდავად გამოიყურებოდა. ადრე ცოტა ხნით ვთამაშობდი მასთან ერთად 'სოსიედადში', ამიტომ მის შესაძლებლობებს ვიცნობ. ეს არის ტოპ კლასის მოთამაშე – შეუძლია ნებისმიერი პასის გაკეთება და ბურთთან მოძრაობაც კარგად გამოსდის", – განაცხადა ოდეგორმა Men In Blazers პოდკასტში.

მხოლოდ ტექნიკური უნარებით კი არ შემოიფარგლება სუბიმენდის თამაში. ოდეგორის თქმით, ეს ფეხბურთელი ჭკვიანურად თამაშობს, კარგად კითხულობს მატჩს და ტემპს აკონტროლებს.

შეგახსენებთ, რომ "არსენალმა" სუბიმენდი "სოსიედადიდან" 51 მილიონი ევროს სანაცვლოდ შეიძინა.