ლაშა გაბიტაშვილი ამბობს, რომ მას საქართველოს მოქალაქეობა ჩამოართვეს

„მინდა გაგიზიაროთ „ქართული ოცნების“ მორიგი ბოროტი გადაწყვეტილება, მათ წამართვეს საქართველოს მოქალაქეობა იმის მიუხედავად, რომ საქართველოში დავიბადე და გავიზარდე, მთელი ცხოვრებაა ვმოღვაწეობ - იუსტიციის სახლმა მიიღო გადაწყვეტილება, რომ აღარ გამიგრძელონ მოქალაქეობა“, - აცხადებს ლაშა გაბიტაშვილი.

მისი თქმით, ის საქართველოს მოქალაქეობის დასაბრუნებლად სამართლებრივ დავას აპირებს:

„მე უარი არ განიმცხადებია საქართველოს მოქალაქეობაზე, პირიქით, ვთქვი, რომ მინდა შენარჩუნება, მაგრამ სამწუხაროდ, მათ უარი მითხრეს და წამართვეს მოქალაქეობა“.

რადიო თავისუფლება ამ საკითხზე დაუკავშირდა იუსტიციის სამინისტროს, პასუხის მიღების შემთხვევაში მასალა განახლდება.