ესპანური გრანდი მიქაუტაძის დამატებაზე მუშაობს | ადგილობრივი მედია

ესპანური გამოცემა que.es იუწყება, რომ მადრიდის „ატლეტიკო“ ზაფხულის სატრანსფერო ფანჯარაზე გიორგი მიქაუტაძით ინტერესდება. როგორც ცნობილია, „როხიბლანკოს“ მთავარი სამიზნე ვიქტორ გიოკერესია, თუმცა მის ტრანსფერზე შეთანხმება შესაძლოა რთული აღმოჩნდეს, რის გამოც ალტერნატივად სწორედ ქართველ თავდამსხმელს განიხილავენ.

მიქაუტაძის მიმართ ინტერესს სხვა ევროპული კლუბებიც იჩენენ — მისი სახელი „ტოტენჰემსა“ და „რომას“ დაუკავშირეს. ამ ეტაპზე ქართველის საკლუბო მომავალი ბუნდოვანია, მით უფრო, რომ „ლიონი“, სადაც ის ასპარეზობს, საფრანგეთის მეორე დივიზიონში დაქვეითდა და განაჩენს სააპელაციო პროცესის შემდეგ ელოდება.

ცნობისთვის, „ლიონმა“ უკვე მიიღო UEFA-ს ნებართვა ევროპის ლიგაზე გამოსვლისთვის.