ერევანი აცხადებს, რომ აზერბაიჯანში სომეხ სამხედრო ტყვეებს სასტიკად ეპყრობიან

სომხეთის საგარეო საქმეთა სამინისტროს შეშფოთებას აზერბაიჯანში დაკავებული სომეხი სამხედრო ტყვეების, მძევლებისა და სხვა დაკავებული პირების მიმართ სასამართლო დევნისა და წამების ფაქტებთან დაკავშირებით.

სომხეთის ხელისუფლება და ადამიანის უფლებათა დამცველი ორგანიზაციები აცხადებენ, რომ ყარაბაღის უკანასკნელი ომის შემდეგ, აზერბაიჯანში ჯერ კიდევ მრავალი სომეხი სამხედრო ტყვე იმყოფება, თუმცა ზუსტი რიცხვი საჯაროდ არ არის ცნობილი.

სომხური მხარე მიიჩნევს, რომ მიმდინარე პროცესები უხეშად არღვევს საერთაშორისო ჰუმანიტარულ სამართალს და ადამიანის ძირითად უფლებებს.

განცხადებაში მოყვანილია საერთაშორისო ორგანიზაციების, მათ შორის გაეროს კომიტეტის წამების წინააღმდეგ, Human Rights Watch-ის და ევროპული კომიტეტის შეშფოთებები, რომლებიც დოკუმენტირებულად ადასტურებენ აზერბაიჯანში სომეხი სამხედრო ტყვეების მიმართ სასტიკ მოპყრობას.

სომხეთის ხელისუფლება აცხადებს, რომ აზერბაიჯანი ამ პროცესებით ცდილობს პოლიტიკურ ზეწოლას მანიპულირებას საზოგადოებრივი აზრით.

“განსაკუთრებული ყურადღება ექცევა აზერბაიჯანის მედიაში გავრცელებულ ეთნიკური სიძულვილის პროპაგანდას”.

განცხადებაში აღნიშნულია, რომ აზერბაიჯანის ხელისუფლება წინააღმდეგობაში მოდის საკუთარ საერთაშორისო ვალდებულებებთან, მათ შორის გაეროს წამების წინააღმდეგ კონვენციასთან, ადამიანის უფლებათა ევროპულ კონვენციასთან და ჟენევის კონვენციებთან.

“სომხეთი აგრძელებს საკითხის საერთაშორისო ასპარეზზე წამოწევას და პარტნიორებისგან მხარდაჭერას მოელის, რათა ტყვეების გათავისუფლება და მათი უფლებების დაცვა უზრუნველყოს”.