გურამ წიბახაშვილის უდიდესი განსაცდელი

ფოტოხელოვან გურამ წიბახაშვილს ცხოვრებაში უდიდესი განსაცდელის დღეები აქვს. მისი ოჯახის 4 წევრი  – მანანა ჯავაშვილი, ეკა ჯავაშვილი, გიგა წიბახაშვილი და ლადო წიბახაშვილი დაკავებულია. მათ სააავტომობილო „გზის ხელოვნურად გადაკეტვას“ ედავებიან.

მარიამ წიბახაშვილი:

“დაიჭირეს დედაჩემი, მანანა ჯავაშვილი, ასევე ჩემი ორივე ძმა: გიგა წიბახაშვილი და ლადო წიბახაშვილი , ასევე დეიდაჩემი ეკა ჯავაშვილი. ფაქტიურად ამოისუნთქა ქვეყანამ, ყველა “კრიმინალი” დაჭერილი!

დედას დახვდნენ სადარბაზოსთან. გაკვეთილების მერე სამსახურიდან, სკოლიდან სახლში წავიდა და იქ აიყვანეს. ჩემი ძმები თავისით მოდიოდნენ აქ, იმიტომ რომ დედას გვერდით ყოფილიყვნენ და გზიდან აიყვანეს ორივე ცალ-ცალკე. დეიდაჩემიც ახლა მოჰყავთ აქ.

პ.ს. დედაჩემის სასამართლო დასრულდა. სცნეს სამართალდამრღვევად და მიუსაჯეს პატიმრობა 1 დღე. ახლა შევდივარ ჩემი ძმის, ლადოს პროცესზე.”

პ.ს.ს. გურამ წიბახაშვილის შვილებს- გიგა და ლადო წიბახაშვილებს სასამართლომ 8-დღიანი ადმინისტრაციული პატიმრობა შეუფარდა.