გორის მერია დედის დღეზე სიმღერისთვის “ქართულ ხმებს” 18 000 ლარს გადაუხდის

გორის მერია ანსამბლს “ქართული ხმები” 18 000 ლარს გადაუხდის. 

უწყება აღნიშნულ თანხას დედის დღესთან დაკავშირები დაგეგმილ ღონისძიების ფარგლებში დახარჯავს.

“დედის დღესთან დაკავშირებით, გეპატიჟებით ანსამბლ “ქართული ხმების” ლიტერატურულ – მუსიკალურ კომპოზიციაზე “წუთისოფელი”. თარიღი: 3 მარტი დრო: 15:00 საათი, ადგილი: გორის გიორგი ერისთავის სახელობის სახელმწიფო პროფესიული დრამატული თეატრი, დასწრება თავისუფალია”, – ვკითხულობთ მერიის განცხადებაში. 

აღნიშნული მომსახურების გამარტივებულ შესყიდვაზე ნებართვა გორის მუნიციპალიტეტის კულტურის განვითარების სააგენტომ შესყიდვების სააგენტოს სთხოვა.