radiotavisupleba ახალი ამბები 
გერმანიის კონსტიტუციის დაცვის ფედერალურმა უწყებამ „ცხელი ხაზი“ გახსნა მათთვის, ვინც გერმანიაში თავშესაფარი მიიღეს, ან, სხვათა შორის რუსეთის, ჩინეთის და ირანის ქვეყანაში მცხოვრები მოქალაქეებისთვის.
BfV-ის - შიდა კონტრდაზვერვის „ცხელი ხაზით“ სარგებლობა შეუძლიათ გერმანიაში თავშესაფრის მქონე, ასევე მიიღეს ან ქვეყანაში მცხოვრები მოქალაქეებისთვის ან პირებისთვის, რომლებიც არიან იმ ქვეყნებიდან - მათ შორის რუსეთიდან, ჩინეთიდან და ირანიდან - სადაც ხელისუფლებაში ავტორიტარული რეჟიმები იმყოფება. ამის შესახებ 20 აგვისტოს სააგენტო Reuters-ი იუწყება.
გავრცელებული ინფორმაციით, უწყებამ ამ ქვეყნებიდან წასულებისთვის 16-გვერდიანი ბროშურა გამოუშვა. როგორც იტყობინებიან, ის, უპირველეს ყოვლისა, განკუთვნილია მათთვის, ვისაც შესაძლოა ემუქრებოდეს დევნა სამშობლოში ან საფრთხე ავტორიტარული მთავრობების აგენტებისგან უშუალოდ გერმანიაში. საუბარია პოლიტიკურ დისიდენტებზე, ჟურნალისტებსა და ლგბტ- საზოგადოების წევრებზე. გავრცელებული ინფორმაციით, ეს ადამიანები სულ უფრო ხშირად აწყდებიან თვალთვალს, დევნას, მუქარას, ხოლო ზოგიერთ შემთხვევაში — ფიზიკური თავდასხმის ან სიცოცხლის მოსპობის მცდელობებსაც კი.
ბროშურაში აღნიშნულია, რომ BfV-ს, იმ ინფორმაციის საფუძველზე, რომელიც შესაძლოა მას „რისკის ჯგუფის“ წარმომადგენლებმა მიაწოდონ, შეუძლია წინააღმდეგობა გაუწიოს ამგვარ მცდელობებს, კერძოდ — მიაკვლიოს პასუხისმგებელ პირებს და დააკისროს მათ პასუხისმგებლობა.
გერმანიაში ახლა განიხილება სპეცსამსახურებისთვის, კერძოდ BfV-სა და საგარეო დაზვერვის სამსახურის BND-ისთვის, უფრო ფართო უფლებამოსილებების მინიჭება ე.წ. ჰიბრიდულ საფრთხეებთან გამკლავების სფეროში.
ბოლო წლებში გერმანიაში რუსეთის სპეცსამსახურების საქმიანობასთან დაკავშირებული ყველაზე ცნობილი შემთხვევაა 2019 წელს ბერლინში რუსული სპეცსამსახურების თანამშრომლის, ვადიმ კრასიკოვის მიერ საქართველოს მოქალაქის ზელიმხან ხანგოშვილის მკვლელობა.
გერმანიაში 2022 წელს თავისი მოწამვლის მცდელობის შესახებ განაცხადა ჟურნალისტმა ელენა კოსტიუჩენკომაც (საქმეზე გამოძიება დღემდე მიმდინარეობს). გერმანიის სპეცსამსახურები ბოლო წლებში აფიქსირებდნენ ქვეყანაში მცხოვრები რუსი ემიგრანტების — ოპოზიციონერი აქტივისტებისა თუ ჟურნალისტების მიმართ საფრთხეების ზრდას: თვალთვალს, რუსეთში მყოფი ნათესავების დაშინებასა და კიბერთავდასხმის მცდელობებს.
