“გავაგებინოთ მაკას!” – “ლელოს” ახალი კამპანია

კიდევ ერთი საკონტროლო დარტყმა საქართველოს უტიფარ საგარეო სამინისტროს პოზიციაზე დღეს გაკეთდა როდესაც ევროსაბჭოს  ადამიანის უფლებათა კომისარმა ბატონლა ოფლაერტიმ სრულიად მკაფიოდ, ქოცისთვისაც კი მარტივად გასაგებად, თქვა, რომ ეს უცხოური გავლენის კანონები შეუსაბამოა დემოკრატიულ სტანდარტებთან, ზღუდავს ყველა თავისუფლებას და უნდა იქნას გაუქმებული.

აშკარაა, რომ ივანიშვილის საგარეო მინისტრს წაკითხულისა და ნათქვამიდან შინაარსის გამოტანის პრობლემა აქვს. ბოჭორიშვილი აცხადებს რომ თურმე მას ევროკავშირისგან არცერთხელ არ მოუსმენია კონკრეტულად რა ნაწილში იყო აცდენილი ე.წ გამჭვირვალეობის კანონი და გრანტების კანონი ევროკავშირის სტანდარტებთან და კანონმდებლობასთან.

საზოგადოებას ძალიან კარგად ახსოვს, რომ რუსულ ქოცური კანონების წინააღმდეგ დადგა სრულიად ცივილიზებილი მსოფლიო და ასობით ათასი ქართველის ერთიანი პროტესტი! შესაძლოა ბოჭორიშვილი ზეციურ ხმას მოელოდა, ან უბრალოდ მახსოვრობისა და კეთილსინდისიერების მძიმე პრობლემა აქვს. ვიწყებ კამპანიას: “გავაგებინოთ მაკას!”

ქალბატონო მაკა, ვენეციის კომისიამ გითხრათ, რომ კანონი ვერ აკმაყოფილებდა კანონიერების, ლეგიტიმური მიზნის, აუცილებლობისა და პროპორციულობის აუცილებელ კრიტერიუმებს!

ქალბატონო ივანიშვილის საგარეო საქმეთა მინისტრო – ეუთო/ოდირი 2024 წლის 30 მაისს გეუბნებოდათ [ვციტირებ]: „უცხოური გავლენის გამჭვირვალობის შესახებ“ კანონი შეუთავსებელია დემოკრატიულ სტანდარტებთან და ადამიანის უფლებათა კანონთან

ქალბატონო მაკავ, ევროპარლამენტის 2024 წლის 25 აპრილის რეზოლუცია გეუბნებოდათ [ვციტირებ]: “უცხოური აგენტების” კანონპროექტი ევროკავშირის ღირებულებებსა და დემოკრატიულ პრინციპებს ეწინააღმდეგება, საქართველოს ევროკავშირში წევრობის ამბიციებს ეწინააღმდეგება, აზიანებს საქართველოს საერთაშორისო რეპუტაციას და საფრთხის ქვეშ აყენებს ქვეყნის ევროატლანტიკურ მისწრაფებებს.”

ასევე, [კიდევ ვციტირებ] „ვენეციის კომისია მკაცრად რეკომენდაციას უწევს კანონის მოქმედი ფორმით გაუქმებას, რადგან მისი ფუნდამენტური ხარვეზები მნიშვნელოვან უარყოფით შედეგებს გამოიწვევს გაერთიანების და გამოხატვის თავისუფლებისთვის, პირადი ცხოვრების ხელშეუხებლობისთვის, საჯარო საქმეებში მონაწილეობის უფლებისთვის და დისკრიმინაციის აკრძალვისთვის

და თუ ესეც ვერ გაიგეთ, კიდევ ერთი, ქალბატონო მაკა: “კანონის მიერ დაწესებული შეზღუდვები შეუთავსებელია ადამიანის უფლებათა ევროპული კონვენციის მკაცრ სტანდარტთან.“
რუსული  კანონი სრულიად შეუთავსებელია ევროპულ კანონმდებლობასთან:

ადამიანის უფლებათა ევროპული კონვენციის (ECHR) 8-ე, 10-ე და 11-ე მუხლებით;
სამოქალაქო და პოლიტიკური უფლებების საერთაშორისო პაქტის (ICCPR) 17-ე, 19-ე და 22-ე მუხლებით.

იგი ვერ აკმაყოფილებდა ვერც კანონიერების, ვერც ლეგიტიმური მიზნის, ვერც აუცილებლობის და ვერც პროპორციულობის აუცილებელ კრიტერიუმებს. მარტივად თუ ვიტყვით, კანონი ვერ აკმაყოფილებდა პრატიკულად ვერცერთ კრიტერიუმს, რაც ნორმალურ კანონს უნდა გააჩნდეს

შესაბამისად, ცივილიზებული მსოფლიოს შეფასებით ეს კანონები პრობლემებს უქმნის:

* გაერთიანების და შეკავშირების თავისუფლებას,
* გამოხატვის თავისუფლებას,
* საზოგადოებრივ ცხოვრებაში მონაწილეობის უფლებას”, – განაცხადა გეგელიამ.