ბაქოში ასამართლებენ რადიო თავისუფლების ჟურნალისტ ფარიდ მეჰრალიზადეს. მან ბრალდებებს პოლიტიკურად მოტივირებული უწოდა

სასამართლოში ჩვენების მიცემისას პატიმრობაში მყოფმა ჟურნალისტმა ფარიდ მეჰრალიზადემ განაცხადა, რომ მას დევნიან რადიო თავისუფლების აზერბაიჯანულ სამსახურში გამოქვეყნებული ეკონომიკური კვლევებისა და ანალიზის გამო. მისივე თქმით, გამომძიებლებმა ის ცრუ ბრალდებით Abzas Media-სთან დაკავშირებულ სისხლის სამართლის საქმეში გაიყვანეს.

"მათ ალბათ იფიქრეს, რომ ჩვენ უკვე გვაქვს მზა სისხლის სამართლის საქმე, მოდი დავუმატოთ ის სხვებს და წინ წავიდეთო. პროკურატურამ ასევე მომანიჭა "თანამდებობა" Abzas Media-ში, თითქოს, იქ ოფისში ეკონომიკური ექსპერტად ვმუშაობდი, ორივე ეს განცხადება მცდარია", - განაცხადა მეჰრალიზადემ 8 აპრილს გამართულ სასამართლო სხდომაზე.

ბაქოს სასამართლო დამოუკიდებელ გამოცემა Abzas Media-სთან დაკავშირებულ მძიმე დანაშაულთან დაკავშირებულ სისხლის სამართლის საქმეს განიხილავს. მასში ფიგურირებს შვიდი დაკავებული ჟურნალისტი იმყოფება: გამოცემის დამფუძნებელი და აღმასრულებელი დირექტორი ულვი ჰასანლი, მისი მოადგილე მაგომედ კეკალოვი, მთავარი რედაქტორი სევინჯ აბასოვა (ვაგიფგიზი), ჟურნალისტები ჰაფიზ ბაბალი, ნარგიზ აბსალამოვა, ელნარა გაზიმოვა და რადიო თავისუფლების ჟურნალისტი ფარიდ მეჰრალიზადე.