აფეთქების მომზადებაში ბრალდებულ დავით ხომერიკს 4.5 წლით თავისუფლების აღკვეთა მიესაჯა

3 hours ago 3

Davit Khomeriki in court. Photo: screengrab from Formula TV footage

26 წლის მომიტინგე და მუსიკოს დავით ხომერიკს, რომელსაც აფეთქების მომზადებაში ედებოდა ბრალი, ოთხი წლითა და ექვსი თვით თავისუფლების აღკვეთა მიესაჯა. მოსამართლე ნინო გალუსტაშვილმა განაჩენი 15 აგვისტოს გამოაცხადა.

ბრალდების მხარის მტკიცებით, ხომერიკს ჩანთაში აალებადი ნივთიერებებით სავსე ბოთლები აღმოაჩნდა, რომლითაც მოლოტოვის კოქტეილების დამზადება იგეგმებოდა. დაცვის მხარე კი აცხადებს, რომ იგი უდანაშაულოა.

ხომერიკი 2024 წლის 2 დეკემბერს თამარაშვილის გამზირზე ძმასთან ერთად დააკავეს. თავდაპირველად, ორივე ადმინისტრაციული ბრალდებით დააკავეს გზის გადაკეტვისთვის. საქმის მასალების თანახმად, პოლიციამ ხომერიკის ზურგჩანთის ჩხრეკისას აალებადი ნივთიერებების შემცველი ბოთლები აღმოაჩინა. მას ბრალი სისხლის სამართლის კოდექსის 18-ე (დანაშაულის მომზადება) და 229-ე (აფეთქება) მუხლებით წაუყენეს, რაც 4-დან 7 წლამდე თავისუფლების აღკვეთით ისჯება. თავად ბრალდებული თავს უდანაშაულოდ ცნობს.

This post is also available in: English