არჩევნები და პროტესტი – წარსული სტატისტიკა  და ახალი რეალობა შიდა ქართლიდან

2025 წლის თვითმმართველობის არჩევნებისთვის შიდა ქართლში 235 833 ამომრჩეველია რეგისტრირებული. ქვეყანაში შექმნილი მდგომარეობის გათვალისწინებით, არსებობს მოლოდინი, რომ წლევანდელ არჩევნებზე ამომრჩეველთა დაბალი აქტივობა იქნება. 

ცესკოს მონაცემებით, წინა წლების მონაცემები ასეთია:

8 ოპოზიციური პარტიის ბოიკოტის ფონზე, შიდა ქართლის ოთხივე მუნიციპალიტეტში მერობის ორ-ორი კანდიდატია რეგისტრირებული. ცესკოს ცნობით, “ქართული ოცნების” კონკურენტებად მერობის კანდიდატები წარადგინეს პარტიებმა “ლელომ”, “თავისუფალმა საქართველომ”, “გახარია საქართველოსთვის” და საინიციატივო ჯგუფმა.

გორი:

• კონსტანტინე ბუზალაძე – ,,ქართული ოცნება”
• ნიკოლოზ დოლიაშვილი – „ლელო“

ხაშური:

• პაატა ჩადუნელი – “ქართული ოცნება”
• ვალერი გელაშვილი – საინიციატივო ჯგუფი

ქარელი:

• ზაზა გულიაშვილი – ,,ქართული ოცნება”
• ზვიად მექვაბიძე – „თავისუფალი საქართველო“

კასპი:

• ვახტანგ მაისურაძე – ,,ქართული ოცნება”
• თათია ბროლაძე – „გახარია საქართველოსთვის“

რაც შეეხება მაჟორიტარულ და პარტიულ სიებს, რეგიონის მასშტაბით, ცესკოში სიები შემდეგმა პარტიებმა დაარეგისტრირეს: “გახარია – საქართველოსთვის, “ლელო – ძლიერი საქართველო”, “გირჩი” “პატრიოტთა ალიანსი” და “კონსერვატიული მოძრაობა”. 

ქვეყანაში თვითმმართველობის არჩევნების პარალელურად, დაგეგმილია ფართომასშტაბიანი აქციები და მსვლელობები. მოქალაქეთა ნაწილი საარჩევნო უბნებზე მისვლის ნაცვლად, ქუჩის პროტესტში ჩართვას აპირებს. 

“ნაომარ ქალაქ გორიდან 4 ოქტომბრის აქციას მოქალაქეები ვუერთდებით. მოგიწოდებთ თითოეულ თქვენგანს, შემოგვიერთდით, დავდგეთ ერთად და გავათავისუფლოთ ჩვენი ქვეყანა“, – განაცხადეს გორში იმ მოქალაქეებმა, რომლებიც 4 ოქტომბერს დაანონსებულ აქციას უერთდებიან. 

რაც შეეხებათ იმ პარტიის წარმომადგენლებს, რომლებმაც თვითმმართველობის არჩევნებში მონაწილეობა გადაწყვიტეს, მათი ნაწილი საპროტესტო აქციაზე მისვლას არჩევნების  შემდეგ აპირებს.