#OK! მერილ სტრიპის სამი წარმატებული ქალიშვილი, რომლებიც დედის პროფესიას აგრძელებენ

ჰოლივუდში რამდენიმე სახელია, რომელიც ეპოქებს განსაზღვრავს და მერილ სტრიპი სწორედ მათ შორისაა. 21 ოსკარის ნომინაცია, კინოში შექმნილი დაუვიწყარი პერსონაჟები Sophie’s Choice-იდან The Iron Lady-მდე და 20 წლის შემდეგ მირანდა პრისტლის როლში The Devil Wears Prada-ში, სტრიპი ათწლეულებია მსახიობის პროფესიის უმაღლეს სტანდარტად რჩება.

თუმცა მისი მემკვიდრეობა მხოლოდ ეკრანზე შექმნილი გმირებით არ შემოიფარგლება. დღეს ყურადღება ნელ-ნელა მისი ოჯახის ახალ თაობაზეც გადადის — შვილებზე, რომლებიც საკუთარი გზით აგრძელებენ იმ შემოქმედებით ტრადიციას, რომელმაც მერილ სტრიპი ჰოლივუდის ლეგენდად აქცია.

მსახიობს ოთხი შვილი ჰყავს სკულპტორ დონ გამერთან ქორწინებიდან, რომელიც 1978 წელს დაიწყო და 2017 წელს მშვიდი განშორებით დასრულდა. წყვილს სამი შვილი ერთი ვაჟი — ჰენრი  და სამი ქალიშვილი — მეიმი, გრეისი და ლუიზა ჰყავს. მიუხედავად იმისა, რომ სტრიპის ოჯახი ყოველთვის ცდილობდა მედიის ყურადღებისგან დისტანცირებას, დღეს მისი შვილები უკვე დამოუკიდებელი კარიერებით იკავებენ საკუთარ ადგილს კინოსა და ტელევიზიის სამყაროში.

მეიმი გამერი 

მერილ სტრიპის უფროსი ქალიშვილი, მეიმი გამერი, 1983 წლის 3 აგვისტოს ნიუ-იორკში დაიბადა. პროფესიულ მსახიობობამდე დიდი ხნით ადრე, ეკრანზე პირველად მხოლოდ 20 თვის ასაკში გამოჩნდა დედის 1986 წლის ფილმში Heartburn.

Northwestern University-ის დამთავრების შემდეგ, მეიმიმ კარიერა თეატრიდან დაიწყო. 2005 წელს Off-Broadway-ის სპექტაკლში Mr. Marmalade შესრულებული როლისთვის თეატრის მსოფლიო ჯილდოც მიიღო. მალევე შეასრულა კინოროლი ფილმში The Hoax (2006), შემდეგ კი დედის პერსონაჟის ახალგაზრდა ვერსია განასახიერა ფილმში Evening (2007). დედა-შვილი კვლავ ერთად გამოჩნდა ფილმში Ricki and the Flash (2015). ტელევიზიაში მისი კარიერა 2008 წლის HBO-ს მინისერიით John Adams-ით დაიწყო, რის შემდეგაც ითამაშა სერიალებში The Good Wife, The Good Fight, Off the Map და საკუთარ სერიალში Emily Owens, M.D.

მეიმი 2009-2013 წლებში მსახიობ ბენჯამინ უოკერზე იყო დაქორწინებული. 2019 წელს მწერალ მეჰარ სეთის გაჰყვა ცოლად, რომელთანაც ორი შვილი ჰყავს. წყვილი 2025 წლის თებერვალში განქორწინდა.

გრეის გამერი 

თუ სერიალი Love Story გინახავთ, რომელიც ჯონ კენედი უმცროსისა და კაროლინ ბესეტ-კენედის სიყვარულის ისტორიას ასახავს, ალბათ გეცნობათ გრეის გამერი – მან კაროლაინ კენედის როლი შეასრულა, რომელმაც უკვე ჯილდოების სეზონის ყურადღებაც მიიპყრო. გრეისი, რომელიც 1986 წლის 9 მაისს დაიბადა, სტრიპისა და გამერის მესამე შვილია.

როგორც მისმა უფროსმა დამ, გრეისმაც ძალიან ადრე დაიწყო სამსახიობო კარიერა – შვიდი წლის ასაკში დედის პერსონაჟის ახალგაზრდა ვერსია ითამაშა ფილმში The House of the Spirits (1993). Vassar College-ის (ასევე მერილის მიერ დამთავრებული უნივერსიტეტი) დამთავრების შემდეგ, თეატრში დაიწყო მუშაობა და მონაწილეობდა სპექტაკლებში, მათ შორის The Sexual Neuroses of Our Parents. მოგვიანებით ტელევიზიაში განსაკუთრებული წარმატება მოიპოვა და მონაწილეობა მიიღო სერიალებში Gigantic, American Horror Story, The Newsroom, Good Girls Revolt, Mr. Robot, All’s Fair და ბოლოს ცნობილ და ყველასთვის საყვარელ Love Story-ში

გრეისი 2021 წელს მუსიკალურ პროდიუსერ მარკ რონსონზე დაქორწინდა. მათ პირველი ქალიშვილი – რუთი 2023 წელს შეეძინათ, მეორე ქალიშვილი კი 2025 წელს.

ლუიზა ჯეიკობსონი 

მერილ სტრიპისა და დონ გამერის უმცროსი ქალიშვილი, ლუიზა ჯეიკობსონ გამერი, 1991 წლის 12 ივნისს დაიბადა. პროფესიულად ის ლუიზა ჯეიკობსონის სახელით მოღვაწეობს, რადგან სხვა მსახიობი უკვე იყენებდა სახელს – ლუიზა გამერი.

დედისა და დის მსგავსად, მანაც Vassar College დაამთავრა ფსიქოლოგიის სპეციალობით, შემდეგ კი იელის დრამის სკოლაში სამსახიობო ხელოვნების მაგისტრის ხარისხი მიიღო. ასევე სწავლობდა ბრიტანულ-ამერიკულ დრამატულ აკადემია – ოქსფორდში.

კარიერა თეატრში დაიწყო – 2018 წელს Williamstown Theatre Festival-ზე სპექტაკლში Member of the Wedding ითამაშა. 2019 წელს კი ჯულიეტას როლი შეასრულა Romeo and Juliet-ის დადგმაში. მისი დიდი სატელევიზიო გარღვევა 2022 წელს მოხდა, როდესაც HBO-ს სერიალში The Gilded Age მთავარი როლი მიიღო.