32 წლის წინ დაცემული სოხუმის მცველებისა და სხვა დაღუპული მებრძოლების ხსოვნას საზოგადოებამ პატივი მიაგო

გმირთა მოედანზე, სამახსოვრო მემორიალთან დღის განმავლობაში იკრიბებოდნეენ დაცემულ მებრძოლთა დედები, ოჯახის წევრები, საზოგადოების წარმომადგენლები, საქართველოში აკრედიტირებული მეგობრული უცხო ქვეყნების დიპლომატები.

მემორიალთან ასევე იმყოფებოდნენ ქართული ოცნების ხელისუფლების წარმომადგენლები: ირაკლი კობახიძე, შალვა პაპუაშვილი, კახა კალაძე და სხვები.

საღამოს საათებში „აფხაზეთი საქართველოა – არა რუსულ რეჟიმს“ – ამ სლოგანით გმირთა მოედნის მემორიალიდან საქართველოს პარლამენტის მიმართულებით აქცია-მსვლელობა გაიმართა.

მსვლელობაში მონაწილეობას იღებდნენ დევნილები, რომლებსაც ეჭირათ ბანერები წარწერით: „ერთად ერთისთვის – აფხაზეთისთვის“.

გარდა ამისა საპროტესტო მსვლელობაში მონაწილეობდნენ ის პირები, რომლებიც პერმანენტულ პროტესტში ამ დრომდე არიან ჩართული.

აქციის მონაწილეებისგან ისმოდა შეძახილები: „თავისუფლება რეჟიმის ტყვეებს“, არა რუსულ ოცნებას“. პარლამენტის შენობასთან მისვლამდე სამართალდამცველებსა და აქციის მონაწილეებს შორის შეხლა-შემოხლა რამდენჯერმე მოხდა.