1 month ago
2
უკრაინის ქალაქ დნეპროპეტროვსკზე რუსეთის სარაკეტო დარტყმით დაღუპულთა რიცხვი 18-მდე გაიზარდა. ამის შესახებ დღეს, 25 ივნისს დილით განაცხადა საოლქო-სამხედრო ადმინისტრაციის ხელმძღვანელმა სერჰიი ლისაკმა.
24 ივნისს, დღის ბოლოს დადასტურებული იყო 17 მშვიდობიანი მოქალაქის სიკვდილი. კიდევ 2 ადამიანი დაიღუპა დნეპროპეტროვსკის ოლქის ქალაქ სამარში.
ლისაკის ინფორმაციით, დაშავდა 300-მდე ადამიანი.
განახლება: 25 ივნისს, დღის ორი საათისთვის საოლქო-სამხედრო ადმინისტრაციის ხელმძღვანელის ტელერამ-არხზე გამოქვეყნდა ცნობა, რომ ქალაქ დნეპროპეტროვსკში დაღუპულთა რიცხვი 19-მდე გაიზარდა, მთლიანად ოლქში კი 21-მდე.
რუსეთის ჯარებმა უკრაინის დნეპროპეტროვსკის ოლქზე რაკეტებით შეტევა 24 ივნისს მიიტანეს.
რეგიონის ადმინისტრაციულ ცენტრში, ქალაქ დნეპროპეტროვსკსა და მის შემოგარენში დანგრეული და დაზიანებულია სახლები, სასწავლო და სამედიცინო დაწესებულებები, ადმინისტრაციული შენობები და რკინიგზის ინფრასტრუქტურა.
25 ივნისი დნეპროპეტროვსკში გლოვის დღედ გამოცხადდა.
English (US) · 
Georgian (GE) ·