ოფიციალურად: კევინ დე ბრუინი სეზონის ბოლოს მანჩესტერ სიტის დატოვებს

მიმდინარე სეზონის ბოლოს, კევინ დე ბრუინი მანჩესტერ სიტის დატოვებს - ინფორმაციას ამის თაობაზე თავად ფეხბურთელი ავრცელებს.

შესაბამისად, ბელგიელი მოთამაშე სეზონის შემდეგ თავისუფალი აგენტის სტატუსით იქნება ხელმისაწვდომი და მისი დამატება კლუბებს უფასოდ შეეძლებათ.

შეგახსენებთ, რომ 33 წლის დე ბრუინმა მანჩესტერ სიტის მაისურით ჯამში 413 შეხვედრა ჩაატარა და თავი 106 გოლითა და 174 საგოლე გადაცემით გამოიჩინა.